විනාඩි 10න් Simple Meckup එකක්......

        Necessary makeup tools

• Foundation
• Foundation Powder 
• Jel Liner or Aibrow Pencil 
• Eye Shadow
• Eye Liner
• Mascara
• Lip Liner 
• Lipstick 
• Blushes
• Meckup Brush & Pencil   

               

             How To Apply

➥මුලින්ම තමන් එදිනෙදා පාවිච්චි කරන Clencer,Face Wosh & Toner යනාදියෙන් මුහුණ හොඳින් පිරිසිදු කරගන්න.

➥ ඉන්පසු තමන්ගේ  Skin එකට ගැලපෙන Foundation   එකක්   තුලින් මුහුණෙහි Dark  සහ Light  ප්‍රදේශ සුදුසු ලෙස ආවරණය වන පරිදි  මුහුණ සහ ගෙල ප්‍රදේශයට Brush එකක් ආශ්‍රයෙන් ආලේප කර ගන්න.

➥ ඉන්පසු Foundation Powder භාවිතයෙන් මුහුණ සහ ගෙල සම්පූර්ණයෙන්ම ආවරණය වන පරිදි මුහුණ හොඳින් Seal කරගන්න.(Secrets :- ඒ තුළින් දහදිය පිටතට පැමිණීම වැළකෙයි.)

➥ පසුව Jel Liner or  Aibrow Pencil එක ආශ්‍රයෙන්ම Aibrow එකේ හැඩය Shep කර Brush එකක්  ආශ්‍රයෙන් Aibrow එක Neat කරගන්න

➥ඉන්පසු Eye Shadow භාවිතයෙන් මුහුණට              ගැලපෙන පරිදි Eye Shodow Apply කරන්න.

➥ ඉන්පසු Eye Liner එක ආශ්‍රයෙන්  ඇස් දෙකෙහි හැඩය පවත්වා ගනිමින් Mascara එක තුළින් ඇස් පිහාටු Neat  කරගන්න.

➥ පසුව Lip Liner එක ආශ්‍රයෙන්  දෙතොලෙහි හැඩය සුරැකෙන පරිදි Liner  එක Apply කොට තමන්ගේ රුචිකත්වය පරිදි Lipstic එකක් ආශ්‍රයෙන් දෙතොල වර්ණ ගන්වන්න.

➥ අනතුරුව Meckup එකේ නිමාව සනිටුහන් කිරීම සඳහා Brush එකක් ආශ්‍රයෙන් මුහුණ හොඳින් Blusher කර කරගන්න.  

               Meckup Tips

➤මුහුණ පිරිසිදු කිරීමෙන් පසුව අනිවාර්යයෙන් Meckup එක Apply කරන්න පෙර මුහුණ  Toner කරන්න.ඒ තුළින් Meckup එක දියවීම පාලනය වෙයි.

➤මුහුණ තෙල් සහිත සමක් නම් Meckup එක Apply කිරීමට පෙර Ice Cube එකක් හෝ Ice Water  වලින් තෙතමනය කරගත්  Tovel එකක් විනාඩි පහක් පමණ මුහුණෙහි තබන්න.

➤මුහුණ වියලි සමක් නම් Hot Water Tovel එකක් විනාඩි පහක් පමණක් මුහුණෙහි තබන්න.

➤Meckup එක Apply කිරීමට පෙර මුහුණෙහි අනවශ්‍ය රෝම ඉවත් කරන්න.

➤මැරුණු සම ඉවත්වීම සඳහා  Simple Facial එකක් Apply කරන්න.

➤මේ තුළින් Meckup එක දියවීම පාලනය වන අතර දිගු වේලාවක් කල් පවත්වා ගත හැකිය.

Come on,Let'talk

 සුව දිවියකට අරුතක්.....

වර්තමානයෙහි පවතින වේගවත් සහ පීඩනකාරී ජීවන රටාවත් සමඟ මිනිසුන්  වැඩි වශයෙන් සිය අවධානය යොමු කරනු ලබන්නේ මුදල්, රැකියා,අධ්‍යාපනය සහ සාර්ථකත්වය යන කාරණා පිලිබඳවයි.එය එසේ වුවද  ඉහත සඳහන් කරනු ලැබූ සියල්ලටම සාපේක්ෂව පුද්ගල ජීවිතයට වටිනාම දේ වන්නේ නිරෝගී සෞඛ්‍යයයි.අවාසනාවකට මෙන් එය මේ වනවිට පුද්ගල මනසින් යටපත්ව තිබේ.පුද්ගල  සෞඛ්‍යය යහපත් තත්ත්වයක නොමැති නම් ජීවිතයේ අනෙක් සාර්ථකත්වයන්ගේ  නිරාමිස  සතුට ලබාගැනීම අපහසු වේ.නිරෝගීව සිටීම යනු රෝග නොමැති වීම පමණක් නොව    ශාරීරික, මානසික සහ සමාජීය වශයෙන් පරිපූර්ණ සුවතාවයක සිටීමයි. එම සුවතාවය ලබාගැනීමට නම් පුද්ගල දෛනික දිවියේ  සෞඛ්‍ය සම්පන්න භාවයක් තිබීම ඉතා වැදගත් වේ.

              සුව දිවියක් ගත කරන්නේ කෙසේද...

සෞඛ්‍යයයට හිතකර ආහාර රටාවකට හුරුවීම➥

සුවදායී දිවියකට පදනම වන්නේ සෞඛ්‍යයට හිතකර ආහාර රටාවකට හුරුවීමයි. පුද්ගලයන් එදිනෙදා ජීවිතය තුළ ආහාරයට ගනු ලබන දේ අනුව ශරීරය  ශක්තිමත් වීමටත්, රෝග වලින් පාලනය වීමටත් සහ බුද්ධිය වර්ධනය වීමටත් නිසැකයෙන්ම බලපානු ලබයි. එහිදීඑළවළු, පලතුරු, ධාන්‍ය, පලා වර්ග වැනි ස්වභාවික ආහාර වැඩි වශයෙන් ආහාරයට ගැනීම ඉතා වැදගත් වන අතරම තෙල්, ලුණු සහ සීනි අධික ආහාර නිතර ආහාරයට ගැනීම වළක්වා ගැනීම තුළින් දියවැඩියාව, රුධිර පීඩනය, හෘද රෝග වැනි රෝග තත්ත්වයන් ඇතිවීම පාලනය කර ගත හැකිය. එපමණක් නොව  දිනපතා ප්‍රමාණවත් ලෙස ජලය පානය කිරීමද සුව දිවියකට හේතුවක් වනු ඇත.

දිනපතා ව්‍යායාම කිරීමට හුරුවීම➥

             

දිනපතා ව්‍යායාම කිරීම සුවදායි දිවියකට මනා අරුතක් වෙයි.ශරීර  බර පාලනය වීම, මාංශපේශී ශක්තිමත් වීම සහ රුධිර සංසරණය වේගවත්ව සිදුවීම  ව්‍යායාම කිරීම තුළින් සිදුවේ.එහිදී අවම වශයෙන්දිනකට මිනිත්තු 30ක් පමණ ඇවිදීම, සරල ව්‍යායාම, යෝගා හෝ ක්‍රීඩා කිරීම යනාදිය සිදුකිරීම ප්‍රමාණවත් වෙයි. දිගු වේලාවක් එකම ස්ථානයක එකම ඉරියව්වකින් කිසියම් කාර්යයක නියැලෙන  පුද්ගලයන් විශේෂයෙන්ම තමන්ගේ ශරීරයට චලනය ලබා දීමට වග බලා ගැනීම වැදගත් වෙයි.

ප්‍රමාණවත් නින්ද සහ විවේකය➥

කාර්යබහුල දිවියකට නිරෝගීව සිටීමට නින්ද ඉතා වැදගත් වෙයි. ප්‍රමාණවත් නින්දක්  නොලැබෙන විට ශරීරය හා මනස යන  දෙකම  ක්‍රමයෙන් දුර්වල වීමට පටන් ගනී. මෙම නිසා අවම වශයෙන් දිනකට පැය 7–8ක නින්දක් ලබාගැනීම සුදුසු  වෙයි.නින්දට පෙර ජංගම දුරකථන සහ තිර භාවිතය අඩු කිරීම, නියමිත වේලාවකට නිදාගැනීම සහ නිදාගැනීමට සුදුසු පරිසරයක් සකස් කිරීම සුවදායි නින්දකට උපකාරී වේ.

මානසික සෞඛ්‍යය රැකගැනීම➥    

ශාරීරික සෞඛ්‍යයයත්  සමඟම මානසික සෞඛ්‍යයත්  යහපත්ව පවත්වා ගැනීම අතිශය වැදගත් වෙයි. ආතතිය, කනස්සල්ල සහ දුක දිගු කාලයක් පවතින විට එය ශරීර සෞඛ්‍යයට නොදැනුවත්වම බලපෑම් ඇති කරයි.එම නිසා  එම තත්ත්වයෙන් පාලනය  වීම සඳහා තමන් කැමති ක්‍රියාකාරකමක නිරතවීම , සංගීතයට ඇහුම්කන් දීම, භාවනා කිරීම හෝ විශ්වාසිත පුද්ගලයෙකු සමඟ කතා කිරීම යනාදිය ප්‍රයෝජනවත් වෙයි.

ශරීරයට අහිතකර පුරුදු වලින් දුරස්වීම➥

දුම්පානය, අධික මත්පැන් භාවිතය සහ වෙනත් මත්ද්‍රව්‍ය භාවිතය ශරීරයට දැඩි හානිදායක වෙයි.  මෙවැනි පුරුදු දිගින් දිගටම සිදුවීම තුළින් හෘද රෝග, පිළිකා, අක්මාව  ආශ්‍රිත හානි වැනි බරපතළ රෝගවලට මුහුණ පෑමට සිදුවිය හැකිය. එම නිසාසුවදායී දිවියක් පවත්වා  ගැනීමට  මෙම අහිතකර ක්‍රියාවන් තුළින් හැකි තරම් දුරස් වීම වැදගත් වෙයි.

පෞද්ගලික පිරිසිදුභාවය සහ සුවදායී පාරිසරික වටපිටාව➥

පිරිසිදු ජීවිතයක් පවත්වා ගැනීම රෝග වලින් වැළැක්වීමට උපකාරී වේ. නිතර අත් සේදීම, පොදු ස්ථානවල ගැවසීමෙන් පසු පිරිසිදු ක්‍රියාමාර්ග අනුගමනය කිරීම, පිරිසිදු ඇඳුම් පැළඳීම සහ පරිසරය පිරිසිදුව තබාගැනීම  යනාදිය තුළින්  බෝවන රෝග මෙන්ම බෝ නොවන රෝගයන්ද අවම කරගතහැකි වෙයි.

නිරෝගීව සිටීම යනු එක් දිනකින් ලබාගත හැකි දෙයක් නොව දිනපතා පවත්වාගෙන යා යුතු ජීවන රටාවකි. හොඳ ආහාර, ව්‍යායාම, නින්ද, මානසික සුවතාවය සහ හොඳ පුරුදු එකට එකතු වූ විට සුවපත් දිවියක්  කෙටි කාලයකින් ගොඩනගා ගත හැකි වෙයි.සුව දිවියක් ගොඩනගා ගැනීම සඳහා විශාල වෙනස්කම් අවශ්‍ය නොවේ.නිතර කුඩා හොඳ පුරුදු සහ ක්‍රියාමාර්ග පවත්වාගෙන යාමෙන් දිගු කාලීන සෞඛ්‍ය, මානසික සුවතාව සහ ජීවන තෘප්තිය ලබාගත හැකි වෙයි.

.........“සුව දිවියක් යනු ධනය, වටිනාකම, හෝ සමාජ තත්ත්වයන් මත නොව, නිතර හොඳ පුරුදු මත ගොඩනගා ගත හැකි ක්‍රියාදාමයකි.”..........

Come on,Let'talk

ධනාත්මක චින්තනය යනු

ජීවිතය ඉදිරියට පවත්වාගෙන යාමේදී අපට හමුවන ගැටලු අසාර්ථකතා සහ අභියෝග  හමුවේ ඒවාට හොඳ විසඳුමක් හොයාගන්න පුළුවන් කියලා විශ්වාසයෙන් සිතීමය

 වර්තමානය වන විට වයස් සීමාවකින් තොරවම බොහෝ දෙනා ජීවිතයේ විවිධ පීඩනකාරී ස්වභාවයන්ට  මුහුණ දෙමින් සිය ජීවිකාව ඉදිරියට පවත්වාගෙන යාමට  උත්සාහ කරනු ලබයි. විශේෂයෙන්ම අධ්‍යාපන ප්‍රතිඵල, විභාග, රැකියාව, අනාගතය, පවුල් ප්‍රශ්න, සමාජ මාධ්‍ය යන මේ සියල්ලම එකට එකතුවෙලා පුද්ගල සිත නොසන්සුන් තත්ත්වයකට පත්ව ඇති බවක් හඳුනාගන්න පුළුවන්.මෙවන් අවස්ථාවන්හිදී  අපි සිතන විදිහ තමයි අපේ ජීවිතය ඉදිරියට ගන්නවද, නැත්නම් අපිව තවත් පහළට ඇද දමනවද යන්න කියලා තීරණය කරන්නේ.

ධනාත්මක චින්තනය යනු හැමදේම හොඳයි කියලා වංචනිකත්වයෙන්  හිතන එක නෙවෙයි.එනම් ගැටලු තියෙන බව පිළිගැනීමත් සහ ඒ ගැටලු අතරින්ම විසඳුමක් හොයන්න පුළුවන් කියලා විශ්වාස කිරීමයි.අසාර්ථක  වූ අවස්ථාවක  තමන්  තමන්ටම අගය නැති කෙනෙක් ලෙස   සිතන එක වෙනුවට“මේකෙන් මට මොනවද ඉගෙන ගන්න පුළුවන්?” කියලා හිතන එක තමයි ධනාත්මක සිතුවිල්ල.

   අපි හිතන විදිහ අපේ ජීවිතයට කොච්චර බලපානවාද?

ඔබ නිතර නිතර සිතන සිතුවිල:

➤ඔබේ ආත්ම විශ්වාසය

➤ඔබේ තීරණ

➤ඔබේ හැසිරීම

➤ඔබේ අනාගතය

යන හැමදේටම බලපානවා.

  

    ධනාත්මක චින්තනය තුලින්  ලැබෙන ප්‍රතිලාභ

✔️ ආතතිය  ටික ටික අඩු වෙයි

✔️ තමන් පිළිබඳ විශ්වාසයක් ඇති වෙයි

✔️ අභියෝගයන්ගෙන් පලා නොයා අත්දැකීම් ලෙස භාරගන්න පුරුදු වෙයි

✔️ අනාගතය පිළිබඳ බලාපොරොත්තුවක් ඇති වෙයි

✔️ අසාර්ථකතා ජීවිතයේ අවසානයක් නොව, නව ආරම්භයක් ලෙස භාර ගන්න හැකිවෙයි

      ධනාත්මක ලෙස සිතන්න පුළුවන් සරල ක්‍රම

 ➥ඔබට ඔබම හොඳ වචන කියන්න

 ➥නිතර නිතර ඔබට තියෙන හොඳ ධනාත්මක දෑ මතක් කරන්න

 ➥ඔබව පහළට ඇද දමන දේවල් වලින් ටිකක් ඈත් වෙන්න

 ➥සමාජ මාධ්‍ය නිසි ලෙස භාවිතා කරන්න

 ➥ වැරදීමක් සිදුවුවහොත් නිවැරදි කිරීමට පුරුදුවන්න

ධනාත්මකව සිතීම තුළින් ඔබේ ජීවිතය එක රැයකින් වෙනස් වෙන්නේ නැතිවෙයි. නමුත් ඔබ සිතන ආකාරය ටික ටික වෙනස් කළහොත්ඔබේ ජීවිතයත් ටික ටික සුබවාදී වීමට පටන් ගනී. ඔබට හැකියාව තියෙනවා. ඔබට වටිනා අනාගතයක් තියෙනවා. ධනාත්මකව සිතන්න.